سیول: شمالی کوریا نے ایک دن میں درمیانے فاصلے تک مار کرنے والے چھ میزائل تجربے کردئے ہیں۔حالیہ ہفتے چارمیزائل تجربوں کے بعد شمالی کوریا نے ایک بار پھرچھ میزائلوں کا تجربہ کیا ہے۔ جنوبی کوریا کی خبررساں ایجنسی کے مطابق شمالی کوریا نے میزائل تجربات مشرقی ساحل کی بندرگاہ سے بحیرہ الشرق کی جانب کئے۔ میزائلوں کی رینج تقریبا پانچ سو کلومیٹرہے۔ شمالی کوریا کے مسلسل میزائل تجربوں پرامریکا اور جاپان نے تشویش کا اظہار کیا ہے۔ پچیس مئی کے ایٹمی تجربات کے بعد اقوام متحدہ نے شمالی کوریا پر پابندیاں عائد کردیں تھیں۔