کوئٹہ: پیپلز پارٹی کے پارلیمانی لیڈرنواب اسلم رئیسانی بلامقابلہ وزیراعلیٰ منتخب ہوگئے ،باقاعدہ اعلان کل ہوگا جبکہ نومنتخب اسپیکراسلم بھوتانی اورڈپٹی اسپیکرمطیع اللہ آغا نے حلف اٹھالیا ۔بلوچستان میں قائد ایوان کے لئے صرف پیپلز پارٹی کے نواب اسلم رئیسانی نے کاغذات نامزدگی جمع کرائے۔اس طرح وہ بلامقابلہ قائد ایوان منتخب ہوگئے ۔ اس سے قبل اسمبلی کا اجلاس صبح ساڑھے دس بجے تلاوت کلام پاک سے شروع ہوا۔سبکدوش ہونے والے اسپیکرجمال شاہ کاکڑ نے نومنتخب اسپیکراسلم بھوتانی سے حلف لیا ۔اسلم بھوتانی نے اپنی ذمہ داریاں سنبھالنے کے بعد مطیع اللہ آغاسے ڈپٹی اسپیکرکاحلف لیا ۔حلف برداری کے بعد منتخب وزیراعلیٰ اسلم رئیسانی نے اسپیکراورڈپی اسپیکرکومبارکباد پیش کی ۔