پشاور: پشاور میں سابق صوبائی وزیر عنایت اللہ خان کے بھائی اور معروف صنعت کار طارق سہیل کو مختلف مقامات سے اغواء کر لیا گیا۔سابق صوبائی وزیر عنایت اللہ خان کے بھائی نصراللہ کو ٹاؤن کے علاقے سے رات گئے نا معلوم مسلح افراد نے اغواء کیا جبکہ معروف صنعت کار طارق سہیل کو حیات آباد جاتے ہوئے اغواء کیا گیا۔

اغواء کاروں کی جانب سے کسی قسم کا مطالبہ پیش نہیں کیا گیاہے۔پشاور میں امن و امان کی خراب صورت حال کے باعث سی سی پی او نے آٹھ پولیس اہلکاروں کو لائن حاضر جبکہ دس کا تبادلہ بھی کیا ہے۔ اس کے باوجود شہر میں ایک ہی روز میں دو اہم شخصیات کے اغواء کا واقعہ پیش آیا ہے۔