پشاور: وزیراعلیٰ سرحد حیدر خان ہوتی نے صوبے میں امن و امان کی صورتحال کو تشویشناک قرار دیدیا۔ پشاور میں امن و امان کی صورتحال کے بارے میں اجلاس کی صدارت وزیراعلیٰ حیدر خان ہوتی نے کی۔ جس میں مشیر داخلہ رحمان ملک بھی شریک ہوئے۔ اجلاس میں اسفند یار ولی، افراسیاب خٹک سمیت اعلیٰ حکام بھی موجود تھے۔ وزیراعلیٰ سرحد نے اجلاس میں امن و امان کی صورتحال کو تشویشناک قرار دیا۔ ان کا کہنا تھا کہ اس سلسلے میں اہم اقدامات کرنے کی ضرورت ہے۔
آئی جی پی ملک نوید نے اجلاس کے شرکاء کو سرحد کے مختلف علاقوں میں امن و امان کی صورتحال کے بارے میں بریفنگ دی۔ ذرائع کے مطابق اجلاس کا مقصد سوات معاہدے پر رحمان ملک کے بیانات سے پیدا ہونے والی صورتحال کا جائزہ لینا تھا۔ تا کہ مرکز اور صوبے میں اختلافات دور کئے جا سکیں۔
