نوڈیرو: پاکستان پیپلز پارٹی کے شریک چیئرمین آصف علی زرداری کا کہنا ہے کہ بے نظیر قتل کیس کی تحقیقات اقوام متحدہ سے کرانے کیلئے کئی ممالک نے حمایت کر دی۔وہ بے نظیر بھٹو کی سالگرہ کے موقع پر خون کا عطیہ دینے کے بعد نوڈیرو میں صحافیوں سے گفتگو کررہے تھے۔ انہوں نے کہا کہ بینظیر بھٹوکو خراج تحسین پیش کرتے ہوئے کہاکہ بے نظیر بھٹو نے اپنے لہو سے چراغ جلایا ہے۔ آصف علی زرداری نے کہا کہ پاکستان کی تاریخ میں پہلی بار مخلوط حکومت قائم ہوئی ہے ،آئندہ صدر پی پی کا کارکن ہی ہو گا۔انہوں نے کہا کہ آج مخالفین موجود نہیں ہیں اور پیپلز پارٹی کسی کارکن کو صدر بنا کر اسے عزت بخشے گی۔آصف علی زرداری نے ،انہوں نے بتایا کہ بی بی کے قتل کی تحقیقات اقوام متحدہ سے کرانے کیلئے کئی ملکوں نے حمایت کی ہے۔انہوں نے کہاکہ انسانیت کی خدمت سب سے بڑی اہم عبادت ہے۔

انہوں نے کہا کہ مسلم لیگ ن سے دوستانہ تعلقات ہیں اور جمہوریت کی راہ پر کاندھے سے کاندھا ملا کر چلیں گے۔ آصف علی زرداری نے کہا کہ ججز کی بحالی پر مکمل اتفاق ہے قوم جلد خوشخبری سنے گی۔ انہوں نے کہا کہ سازشی عناصر حکمران اتحاد کے خاتمے کی سازشوں میں مصروف ہیں۔ آصف علی زرداری کا کہنا تھا کہ صدر پرویز مشرف کو ہٹانے کیلئے اتحادیوں سے لائحہ عمل طے کیا جا رہا ہے۔ ان کا کہنا تھا کہ ہم نوڈیرو اورلاڑکانہ کو مثالی ضلع بنائیں گے اورہمارا مقصدخوشحال پاکستان ہے۔