منصورہ: جماعت اسلامی پنجاب کے امیر لیاقت بلوچ نے کہا ہے کہ بے نظیر کو دبئی میں پرویز مشرف کیساتھ ہونیوالے معاہدے پر عمل نہ کرنے کی پاداش میں قتل کیا گیا۔منصورہ میں میڈیا ورکشاپ سے خطاب کرتے ہوئے لیاقت بلوچ نے کہا کہ پرویز مشرف آصف زرداری پر این آر او کے دباؤ کے تحت اپنے لئے محفوظ راستہ تلاش کررہے ہیں۔ انہوں نے کہا کہ بے نظیر بھٹو نے افتخار چوہدری کے گھر جاکر اعلان کیا تھا کہ وہ ہمارے چیف جسٹس ہیں اور ہم ان کو بحال کرائیں گے اسی وجہ سے ان کو منظر سے ہٹادیا گیا۔ان کا کہنا تھا کہ مشرف نے تین نومبر کو ایمرجنسی لگا کر غیرآئینی اقدام کیا۔ لیاقت بلوچ نے کہا کہ اے پی ڈی ایم نے ججز کی بحالی کیلئے وکلا تحریک کا بھرپور ساتھ دیا۔

انہوں نے مزید کہا کہ پنجاب میں پیپلز پارٹی اور نون لیگ کی مخالفانہ بیان بازی سے حا لات خراب کرنے کی کوشش کی جارہی ہے۔ جماعت اسلامی کے رہنما کاکہنا تھا کہ نوازشریف اور آصف زرداری ملک اور قوم کی بہتری کے لئے اپنی توانائیاں صرف کریں۔