اسلام آباد: ایٹمی سائنسدان ڈاکٹر عبدالقدیر خان کی نظر بندی کے خلاف اسلام آباد ہائی کورٹ میں دائر درخواست کی سماعت کل تک کے لئے ملتوی کر دی گئی۔ اسلام آباد ہائی کورٹ کے چیف جسٹس سردار محمد اسلم نے درخواست کی سماعت کی۔ درخواست گزار بیرسٹر جاوید اقبال جعفری نے موقف اختیار کیا کہ ڈاکٹر عبدالقدیر خان کو کسی سے ملنے نہیں دیا جا رہا۔ ڈپٹی اٹارنی جنرل عبدالرحمان نے کہا کہ ڈاکٹر خان کسی سیکورٹی ایجنسی کی حراست میں نہیں۔ ان کی حفاظت کیلئے یہ اقدامات کئے جا رہے ہیں۔ انہوں نے کہا کہ درخواست گزار سمیت جو افراد ڈاکٹر خان سے ملنے کے خواہشمند ہیں ان کی فہرست عدالت میں پیش کی جائے تصدیق کے بعد ان افراد کو ڈاکٹر عبدالقدیر سے ملنے کی اجازت دی جائے گی۔