پشاور: پشاور میں حساس مقامات جانے والے راستوں پر کنکریٹ کی رکاوٹیں کھڑی کر دی گئیں شہر کے مختلف تھانوں میں ایف سی تعینات کی جا رہی ہے۔ پشاور میں دہشت گردی کے خطرے کے پیش نظر سیکورٹی سخت کر دی گئی ہے۔ پولیس نے حساس مقامات کی جانب جانے والے تمام راستوں سے عام بیریئرز ہٹا کر کنکریٹ کی رکاوٹیں کھڑی کر دی ہیں۔ شہر کے مختلف تھانوں میں ایف سی اہلکاروں کو تعینات کیا جا رہا ہے۔ سات سو اہلکاروں کو حیات آباد میں تعینات کیا گیا ہے۔ کوتوالی تھانہ، شرقی، ناصر باغ، حیات آباد، مچنی، داؤزئی، پشخرہ سمیت پشاور کے تمام علاقوں میں ایف سی پولیس اہلکاروں کے ہمراہ گشت کرے گی۔ انتظامیہ نے حفاظتی اقدامات کے پیش نظر شہر میں رات کو پیرا ملٹری فورسز کا گشت بھی بڑھا دیا ہے۔