پشاور: طالبان رہنما بیت اللہ محسود نے حکومت سے امن مذاکرات معطل کرنے کا اعلان کر دیا۔ بیت اللہ محسود نے خبررساں ادارے رائٹرز سے بات چیت کرتے ہوئے کہا کہ وہ حکومت سے امن مذاکرات معطل کر رہے ہیں۔ انہوں نے کہا کہ مزاکرات اس وقت تک معطل رہیں گے جب تک حکومت آپریشن اور حملوں کی باتیں کرتی رہے گی۔ بیت اللہ محسود کا کہنا تھا کہ انہیں شبہ ہے کہ خطے میں دیگر طالبان گروپوں کے خلاف بھی آپریشنز کئے جائیں گے۔ بیت اللہ محسود نے کہا کہ حکومت مسلسل قوت کا استعمال کر رہی ہے جس کی وجہ سے امن مذاکرات معطل کئے جا رہے ہیں۔