اسلام آباد: ہیومن سیفٹی فاوٴنڈیشن نے بے نظیر بھٹو کے قتل کی ایف آئی آر دوبارہ درج کرنے اور آئی بی کے سابق سربراہ اعجاز شاہ کی گرفتاری کا مطالبہ کردیا۔ اسلام آباد میں پریس کانفرنس کے دوران ہیومن سیفٹی فاوٴنڈیشن کے چیئرمین شفقت علی شاہ نے کہا کہ سابق حکومت بے نظیر بھٹو کے قتل میں ملوث تھی۔ اسی وجہ سے بے نظیر بھٹو کے قتل کے شواہد ضائع کردیئے گئے۔ ان کاکہنا تھا کہ مقامی پولیس نے بھی سکاٹ لینڈ یارڈ کی ٹیم کی درست رہنمائی نہیں کی۔ انہوں نے کہا کہ اس واقعہ کی تحقیقات اقوام متحدہ سے کرانا خوش آئند ہے تاہم اس کے لئے ضروری ہے کہ چاروں صوبوں کے قابل بنائی جائے جو اقوام متحدہ کی ٹیم کی درست رہنمائی کرسکے۔ ان کا کہنا تھا کہ وہ سندھ ہائی کورٹ میں اس حوالے سے پٹیشن بھی دائر کریں گے۔