اسلام آباد: سپریم کورٹ کے دو معزول ججز جسٹس خلیل الرحمان رمدے اور جسٹس فلک شیر نے تنخواہوں کے چیک واپس کر دیئے۔ پی سی او کے تحت حلف نہ اٹھانے والے سپریم کورٹ کے جسٹس خلیل الرحمان رمدے بیرون ملک دورے پر تھے جب وہ وطن واپس آئے تو ان کو تنخواہ کا چیک دینے کی کوشش کی گئی لیکن انہوں نے انکار کر دیا۔ باوثوق ذرائع کے مطابق سپریم کورٹ کے دوسرے معزول جج جسٹس فلک شیر نے بھی وزیراعظم کے صوابدیدی فنڈ سے ملنے والی تنخواہ لینے سے انکار کرتے ہوئے موقف اختیار کیا تھا کہ تنخواہ ان کے بینک اکاؤنٹ میں جمع کرا کے انہیں پے سلپ بھی دی جانا چاہئے تھی۔

ذرائع کا کہنا ہے کہ جسٹس فلک سیر کے انکار کے بعد تنخواہ ان کے اکاؤنٹ میں ٹرانسفر کر دی گئی لیکن اب ان کا کہنا ہے کہ یہ تنخواہ وزیراعظم کے صوابدیدی فنڈز سے دی گئی ہے اس لئے وہ اسے اپنے اکاؤنٹ سے کیش نہیں کرائیں گے۔