اسلام آباد : صدر پرویز مشرف اپنے عہدے سے مستعفی ہو گئے ہیں۔ صدر مشرف کے مستعفی ہونے کے بعد سیاسی رہنماؤں کا رد عمل سامنے آیا ہے۔ پاکستان پیپلز پارٹی کے سیکریٹری اطلاعات احسن اقبال نے کہا ہے کہ قو م کیلئے حقیقی خوش خبریوں کا وقت آگیا ہے۔انہوں نے کہا کہ ججوں کو بحال کرکے آئین کی بالادستی کو یقینی بنانا ہے۔متحدہ قومی موومنٹ کے ڈپٹی کنوینئر فاروق ستار نے کہا ہے کہ سیاسی استحکام کیلئے پرویز مشرف نے اہم کردار ادا کیا۔پاکستان پیپلز پارٹی کے وزیر قانون فاروق ایچ نائیک نے کہا ہے کہ مشرف نے الزامات کا عوام کے سامنے جواب نہیں دیا۔انہوں نے کہا کہ ججوں کی بحال پر حکمران اتحاد کا حتمی فیصلہ آج آجائے گا۔

مسلم لیگ ن کے مرکز ی رہنما چوہدری نثار نے کہا ہے کہ نواز شریف اپنے ساتھ ہونے والی زیادتی معاف کرچکے۔انہوں نے کہا کہ مسلم لیگ ن عوامی مینڈیٹ پر عمل کرے گی۔مسلم لیگ ق کے رہنما مشاہد حسین نے کہا کہ حکومت کے بہانے ختم، اب تمام ججز بحال کئے جائیں۔سینٹ کے چیئرمین رضا ربانی کا کہنا ہے کہ مشرف کو محفوظ رستہ دینے کا فیصلہ حکمران اتحاد کرے گا۔ذرائع کے مطابق ججز کی بحالی حکمران اتحاد کے تحریری معاہدے کا دوسرا نکتہ ہے،ججز کی بحالی چوبیس گھنٹے میں متوقع ہے ۔ذرائع قومی اسمبلی سیکریٹریٹ کا کہنا ہے کہ نئے صدرکاانتخاب تیس دن میں کرنا ہوگا۔بلاول بھٹو زرداری کہا کہنا ہے کہ مجھے یقین ہے کہ آئندہ صدرپاکستان پیپلز پارٹی سے ہوگا ۔