اسلام آباد: حکمراں اتحاد کی پارلیمانی پارٹیوں کا اجلاس وزیراعظم کی زیرصدارت جاری ہے ۔ اجلاس میں حکمران اتحاد نے صدر پرویز مشرف کے ٹرائیل کا مطالبہ کیا ۔وزیر اعظم یوسف رضا گیلانی کا کہنا ہے کہ آج پارلیمنٹ سپریم ادارہ بن گیا ہے۔حکمران اتحاد کے پارلیمانی اجلاس میں وزیراعظم نے کہا کہ اتحادی جماعتوں سے مشاورت سے اٹھاون ٹوبی کا خاتمہ کریں گے۔جبکہ حکمران اتحاد کا کہنا ہے کہ شریف پیرزادہ سمیت صدر کے تمام ساتھیوں کا محاسبہ کیا جائے۔ذرائع حکمران اتحاد کے مطابق آئندہ چوبیس گھنٹوں میں ججوں کی بحالی کا فیصلہ ہو سکتا ہے۔

آج نیوز کے مطابق صدرپرویز مشرف کے استعفیٰ کے بعد آئندہ کی حکمت عملی سمیت دیگراہم امورکاجائز ہ لینے کیلئے پاکستان پیپلز پارٹی،پاکستان مسلم لیگ ن ،عوامی نیشنل پارٹی سمیت حکمراں اتحاد کی پارلیمانی پارٹیوں کا اجلاس وزیراعظم سید یوسف رضا گیلانی کی زیرصدارت میں جار ی ہے۔اجلاس میں آصف علی زرداری ،میاں نوازشریف ،اسفندیارولی اورفضل ا لرحمن سمیت رہنما نے شرکت کی۔