اسلام آباد:  ڈیرہ اسماعیل خان میں ہونے والے خودکش حملے کے خلاف اسلام آباد میں احتجاجی مظاہرہ کیا گیا۔ امامیہ اسٹوڈنٹس آرگنائزیشن کے زیر اہتمام پریس کلب کیمپ آفس کے سامنے ہونے والے اس مظاہرے میں شرکاء نے بینرز اور پلے کارڈز اٹھا رکھے تھے جن پر دہشت گردی کے خلاف نعرے درج تھے۔ مظاہرین کا مطالبہ تھا کہ دہشت گردی کے خاتمے کے لئے ٹھوس اقدامات کئے جائیں۔ اس موقع پر مظاہرین نے دہشت گردی کے خلاف شدید نعرے بازی کی۔ مظاہرے کے بعد شرکاء نے چائنا چوک تک احتجاجی مارچ بھی کیا۔