مظفرآباد: وزیراعظم آزاد کشمیر سردار عتیق احمد نے کہا ہے کہ صدر پرویز مشرف کے استعفے کے باوجود ان کی کشمیر پالیسی جاری رہے گی۔ مظفر آباد میں نیشنل ڈیفنس یونیورسٹی کے زیر اہتمام قومی سلامتی کے موضوع پر ہونے والی ورکشاپ سے خطاب میں سردار عتیق احمد خان نے کہا کہ پرویز مشرف کے چار نکاتی فارمولے سے پاک بھارت امن مذاکرات آگے بڑھانے میں مدد ملی اور پاکستان کی موجودہ حکومت نے کشمیر پالیسی کو جاری رکھا ہوا ہے۔ ان کا کہنا تھا کہ صدر پرویز مشرف کے استعفے کا کشمیر پالیسی پر کوئی اثر نہیں پڑے گا۔ پاکستان اور بھارت کے درمیان قیام امن کا کریڈٹ مشرف کو جاتا ہے۔