لاہور: لاہور میں پیپلز پارٹی کے کارکنوں نے پرویز مشرف کے مستعفی ہونے پر جشن منایا۔ کپور تھلہ ہاوس لاہور میں ہونے والی تقریب میں پیپلز پارٹی لاہور کے صدر عزیز الرحمن چن سمیت دیگر قائدین بھی موجود تھے۔اس موقع پر مٹھائی تقسیم کی گئی جس کے بعد کارکنوں نے ڈھول کی تھاپ پر بھنگڑے ڈالے۔ تقریب کے دوران آتش بازی کا مظاہرہ کرنے پر مقامی پولیس موقع پر پہنچ گئی اور چار افراد کو سامان سمیت حراست میں لے لیا۔ پیپلز پارٹی کے کارکنوں نے احتجاجاً لیک روڈ بلاک کر دی جس کے بعد پولیس نے پکڑے گئے کارکنوں کو چھوڑ دیا۔