کراچی : کراچی میں مہاجر قومی موومنٹ عامر خان گروپ نے اپنے مطالبات کے حق میں ریلی نکالی۔ مہاجر قومی موومنٹ عامر خان گروپ کی ریلی شہر کے مختلف علاقوں سے ہوتی ہوئی پریس کلب پر اختتام پذیر ہوئی۔ ریلی کے شرکاء نے ہاتھوں میں بینرز اٹھا رکھے تھے جن پر پارٹی کے چیئرمین عامر خان کی رہائی کے نعرے درج تھے۔ انہوں نے حکومت سے مطالبہ کیا کہ مہاجر قومی موومنٹ کے تمام دفاتر واپس کئے جائیں۔ پارٹی کے رکن ندیم عمر کا کہنا تھا کہ پرویز مشرف کو محفوظ راستہ دینے کے بجائے ان کا محاسبہ کیا جائے۔