کابل: پاک افغان ایساف سہ فریقی کمیشن نے سرحد پر تعاون کی موجودہ سطح پر اطمینان کا اظہار کیا ہے۔ سہ فریقی کمیشن کا تئیسواں اجلاس افغانستان کے دارالحکومت کابل میں ہوا۔ اجلاس میں پاکستان کی نمائندگی چیف آف آرمی اسٹاف جنرل اشفاق پرویز کیانی، افغانستان کی نمائندگی جنرل بسم اللہ خان اور ایساف کی نمائندگی جنرل ڈیوڈ ڈی میک کیرنان نے کی۔ اجلاس میں پاک افغان سرحد پر سیکورٹی کی صورتہال کا جائزہ لیا گیا۔ اجلاس میں پاک افغان سرحد پر تعاون کی سطح پر اطمینان کا اظہار کرتے ہوئے خطے میں امن اور سلامتی کیلئے بھرپور عزم کا اعادہ کیا گیا۔
