سوات: سوات میں طالبان کے ٹھکانوں پر گولہ باری کا سلسلہ جاری ہے تحصیل مٹہ میں مکان پر گولہ گرنے سے پانچ افراد زخمی ہوگئے۔ سوات میں سیکورٹی فورسز کی جانب سے طالبان کے ٹھکانوں پر گولہ باری کا سلسلہ جاری ہے۔ تحصیل مٹہ کے علاقے خریزئی میں مکان پر گولہ گرا جس کے باعث پانچ افراد زخمی ہوگئے۔ سیکورٹی فورسز نے پیوچار میں غیر اعلانیہ کرفیو نافذ کردیا ہے۔ اس علاقے سے کسی کو وینئی چیک پوسٹ کی طرف جانے نہیں دیا جارہا۔ وینئی میں موجود اکثر لوگ مینگورہ کی طرف نقل مکانی کرنا چاہتے ہیں۔ تحصیل مٹہ، کبل اور مالم جبہ سے لوگوں کی نقل مکانی کا سلسلہ بدستور جاری ہے۔ سوات کے تمام علاقوں میں صبح سات سے رات آٹھ بجے تک کرفیو میں وقفہ رہے گا۔