اسلام آباد: مخلوط حکومت میں شامل اتحادی جماعتوں کا سربراہی اجلاس زردای ہاؤس میں ہوا جو پانچ گھنٹے جاری رہا۔ اجلاس میں پاکستان پیپلز پارٹی کے شریک چیئرمین آصف علی زرداری ،مسلم لیگ ن کے قائد میاں نواز شریف، اے این پی کے سربراہ اسفند یار ولی خان اور جمعیت علمائے اسلام کے سربراہ مولانا فضل الرحمان نے شرکت کی۔ اجلاس میں جنرل پرویز مشرف ریٹائرڈ کے عہدہ صدارت سے مستعفی ہونے پر مسرت کا اظہار کیا گیا اور کہا گیا کہ اب ملک میں حقیقی معنوں میں جمہوریت مستحکم ہوگی۔

ذرائع کے مطابق اجلاس میں مستعفی صدر پرویز مشرف کو محفوظ راستہ دینے یا ان کا ٹرائل کرنے، معزول ججوں کی بحالی نئے صدر کے لئے متوقع امیدواروں کے ناموں اور سترھویں ترمیم کے خاتمے سمیت مختلف آئینی ترامیم پر غور کیا گیا۔ اجلاس میں ن لیگ نے اس موقف کا اظہار کیا کہ اب معزول ججوں کو فوری بحال کیا جانا چاہئے۔ ذرائع کے مطابق اجلاس میں صوبوں کے گورنروں کی تبدیلی کے حوالے سے مختلف آپشنز پر غور کیا گیا۔ اے این پی نے صوبہ سرحد کے گورنر کی تبدیلی کی صورت میں افراسیاب خٹک کا اجلاس آج دن ایک بجے پھر ہوگا۔