اسلام آباد: قومی سلامتی کونسل کے سیکریٹری اور سابق صدر مشرف کے قریبی ساتھی طارق عزیز نے استعفیٰ دے دیا۔ طارق عزیز نے استعفیٰ گزشتہ روز دیا جس کے بعد وہ برٹش ائیرویز کی فلائٹ سے لندن چلے گئے۔ ان کا شمار سابق صدر پرویز مشرف کے بااعتماد اور قریبی ساتھیوں میں ہوتا تھا۔ وہ ایف سی کالج لاہور میں صدر مشرف کے کالج فیلو تھے۔ ان کا تعلق اکاؤنٹس گروپ سے تھا۔انہوں نے انکم ٹیکس کمشنر اور سیکریٹری نارکوٹکس کی حیثیت سے خدمات انجام دیں۔ بے نظیر بھٹو شہید کے دوسرے دور حکومت میں وہ آصف علی زرداری کے سیکریٹری بھی رہے۔ مشرف دور حکومت میں وہ سیاسی مذاکرات میں صدر مشرف کی نمائندگی کرتے رہے طارق عزیز لاہور ریس کلب میں بھی اہم عہدے پر فائز تھے۔