کراچی: کراچی کے علاقے رفاع عام سوسائٹی میں فائرنگ سے پیپلز پارٹی کے سات کارکنان فائرنگ سے پیپلز پارٹی کے سات کارکنان زخمی ہوگئے۔ پرویز مشرف کے استعفیٰ کے بعد کراچی میں پیپلز پارٹی نے شہر میں مختلف مقامات پر جشن منایا۔ رفاع عام سوسائٹی میں پیپلز پارٹی کے دفتر کے باہر کارکنان رقص میں مصروف تھے کہ تین موٹر سائیکلوں پر سوار نامعلوم افراد نے ان پر فائرنگ کی جس کے نتیجے میں سات کارکن زخمی ہوگئے۔

جنہیں لیاقت نیشنل اور جناح اسپتال منتقل کردیا گیا۔ زخمیوں میں دو کی حالت تشویشناک ہے واقعے کے بعد پیپلز پارٹی کے رہنماؤں نے کارکنان سے پرامن رہنے کی اپیل کی ہے۔ زخمیوں میں رنا یاسر،سلمان، محمد جاوید،سہیل،شہروز اور ناصر شامل ہیں واقعے کی اطلاع ملتے ہی پیپلز پارٹی کے کارکنان اور رہنما اسپتال پہنچ گئے۔