ملتان : جماعت اسلامی کے نائب امیر لیاقت بلوچ نے کہا ہے کہ صدر مشرف کا استعفی پوری قوم کیلئے باعث مسرت ہے ۔اپنے بیان میں جماعت اسلامی کے نائب امیر لیاقت بلوچ کا کہنا تھا کہ صدر کا استعفی پاکستان کی سیاسی ،جمہوری قوتوں ،آئین اور قانونی حکمرانی چاہنے والوں کی فتح ہے ۔انہوں نے کہا کہ صدر مشرف کے استعفے کے بعد قوم کو منزل نہیں ملی اورہماراحکمرانوں سے مطالبہ ہے کہ وہ اگر ایگزیکٹو آرڈر کے ذریعے دو نومبر کی عدلیہ بحال کریں جبکہ پی سی او کے تحت حلف اٹھانے والے ججوں کو بھی مشرف کے ساتھ رخصت کیا جائے ۔انہوں نے کہا کہ مشرف کے جانے کے بعد پوری قوم تشکر منائے گی۔لیاقت بلوچ نے کہا کہ حکومت کو این آر او کو پارلیمنٹ میں پیش کرنا چاہئے اور پیپلز پارٹی اور مسلم لیگ خود کو آزاد عدلیہ کے حوالے کریں۔