اسلام آباد: مسلم لیگ ن کے قائد میاں نواز شریف نے کہا ہے کہ پرویز مشرف کا استعفی پاکستانی عوام کی فتح ہے اور اسے ہم قوم کے ایک تاریک دور کے اختتام سے تعبیر کر سکتے ہیں ،ممکنہ طور پر آئندہ صدر بلوچستان سے ہو سکتا ہے ۔ایک بھارتی ٹی وی کو انٹر ویو دیتے ہوئے لیگی رہنمامیاں نواز شریف نے کہا کہ پرویز مشرف کے استعفی کے بعد اب پاکستان کی جمہوریت حکومت کو اپنی کاکردگی سے اپنے آپ کو عوام کے سامنے اہل ثابت کرنا ہو گا ۔انہوں نے کہا کہ صدر کے خلاف چارج شیٹ بالکل واضح ہے ۔ تاہم ان کا کہنا تھا کہ لیکن اگر مشرف لڑنا چاہتے ہیں اور الزامات کا سامنا کرنا چاہتے ہیں تو یہ ان کی مرضی پر منحصر ہے۔میاں محمد نواز شریف کا کہنا تھا کہ صدرنے اس ملک میں قدر تباہی مچائی اور اداروں کو برباد کیا ،اس لئے انہیں محفوظ راستہ نہیں دینا چاہئے ۔