اسلام آاباد: اٹارنی جنرل ملک محمد قیوم اپنے عہدے سے مستعفی ہو گئے۔ نو ڈپٹی اٹارنی جنرلز کو بھی تبدیل کرنے کا فیصلہ کر لیا گیا۔ اٹارنی جنرل ملک محمد قیوم نے اپنا استعفیٰ قائم مقام صدر کو بھجوا دیا ہے۔ آج نیوز سے بات چیت کرتے ہوئے ملک محمد قیوم نے کہا کہ صدر پرویز مشرف کا مستعفی ہونا ایک خوش آئند اقوام ہے۔ ان کا کہنا تھا کہ صدر مشرف کو استعفیٰ دینے یا مواخذے کا سامنا کرنے کا مشورہ دیا تھا۔

وزارت قانون کے ذرائع کے مطابق سینیٹر لطیف کھوسہ نئے اٹارنی جنرل ہوں گے اور اس حوالے سے نوٹیفکیشن جلد جاری کر دیا جائے گا۔ ذرائع کے مطابق جن ڈپٹی اٹارنی جنرلز کو تبدیل کرنے کا فیصلہ کیا گیا ہے ان میں راجہ محمد ارشاد، خالد عباس، سردار محمد غازی، نیاز راٹھور، افتخار شاہ، ندیم الدین، قمر قریشی، عبدالحئی گیلانی اور عامر رحمان شامل ہیں۔ ذرائع کے مطابق ڈپٹی اٹارنی جنرل کی تبدیلی کے لئے سمری وزارت قانون کو بھجوا دی گئی ہے۔