|
مردان میں گرینڈ جرگہ آج میں ہوگا
مردان: ضلعی حکومت مردان کا طلب کردہ گرینڈ جرگہ آج پولیس لائن میں منعقد ہورہا ہے جس میں امن عامہ کو لاحق خطرات سے نمٹنے کے لئے حکمت عملی مرتب کی جائے گی ۔ ضلعی ناظم حمایت اللہ مایار کی زیر صدارت ہونے والے گرینڈ جرگے میں طالبان کے مسئلے اور امن کو درپیش مسائل کو دور کرنے پر بات چیت ہوگی۔
جرگے میں تمام سیاسی جماعتوں کے علاوہ سماجی و فلاحی ، کاروباری و صحافتی تنظیموں اور وکلاء برادری کو خصوصی دعوت نامے جاری کئے گئے ہیں ۔ گرینڈ جرگے میں تحصیل مردان اور تحصیل تخت بھائی کی سطح پر الگ الگ کمیٹیاں قائم کی جائیں گی ،ضلع مردان کی سطح پر امن کمیٹی کی تشکیل کا بھی امکان ہے ۔ |
