لندن : برطانوی اخبار ڈیلی ٹیلی گراف نے دعوی کیا ہے کہ سابق پاکستانی صدر پرویز مشرف لندن میں سیاسی پناہ حاصل کر سکتے ہیں ۔ برطانوی اخبار میں شائع ایک رپورٹ میں اسلام آباد میں مقیم ایک نامعلوم سینئر یورپی سفارتکار کے حوالے سے بتایا ہے کہ پرویز مشرف پہلے سعودی عرب جائیں گے جہاں وہ فریضہ حج ادا کریں گے اس کے بعد لندن ان کی حتمی منزل ہو سکتی ہے ۔برطانوی حکومت نے اس رپورٹ پر کوئی تبصرہ نہیں کیا تاہم دبئی اور ابوظہبی کے ساتھ ساتھ لندن طویل عرصے سے جلاوطن پاکستانی سیاستدانوں کے لئے ایک پسندیدہ جگہ رہی ہے ۔