کراچی:  وزیر اعلیٰ سندھ قائم علی شاہ نے کہا ہے کہ غریبوں کو گھر کی تعمیر کیلئے مفت زمین مہیا کی جائے گی ۔یہ بات انہوں نے کراچی میں ایک اجلاس کے دوران کہی۔ اجلاس سے خطاب کرتے ہوئے سید قائم علی شاہ نے کہا کہ حکومت عوام کو روٹی، کپڑا اور مکان فراہم کرنے کے لیے کوشاں ہے۔ انہوں نے کہا کہ غریب لوگوں کے لیے پلاٹ مختص کئے جائیں گے اور انہیں گھر تعمیر کرکے دئیے جائیں گے جبکہ اس مقصد کے لیے زمین مفت بھی فراہم کی جائے گی۔ انہوں نے کہاکہ اغریبوں کو مفت زمین کی فراہمی کیلئے کراچی ، حیدر آباد، لاڑکانہ ، نواب شاہ، خیرپور اور دیگر شہروں میں زمین حاصل کرلی گئی ہے۔