لاہور: محکمہ موسمیات کا کہنا ہے کہ پنجاب سمیت ملک کے تمام میدانی علاقے طویل خشک موسم کی وجہ سے بدستور گرمی کی لپیٹ میں ہیں جو ماہ اکتوبر میں ایک نیا ریکارڈ ہے۔ پچیس برس پہلے اسی مہینے پنجاب بھر کا زیادہ سے زیادہ درجہ حرارت سینتیس سے اڑتیس سنٹی گریڈ تک رہا تھا۔ ان دنوں لاہور سمیت بیشتر شہروں کا درجہ حرارت انتالیس سینٹی گریڈ سے نیچے نہیں رہا۔

غیر معمولی موسم کی وجہ سے جہاں ڈیموں سے آبپاشی کے لئے پانی کا اخراج زیادہ ہو گیا ہے، وہاں دریاوٴں میں پانی کے بہاوٴ میں بھی نمایاں کمی واقع ہو گئی ہے۔ زرعی ماہرین کا کہنا ہے کہ طویل خشک موسم سے فصلوں کی پیداوار متاثر ہونے کا خدشہ ہے۔محکمہ موسمیات نے پیش گوئی کی ہے کہ آئندہ ایک ہفتے تک مغربی ہواوٴں کا سسٹم متحرک ہونے سے موسم میں تبدیلی کا امکان ہے۔