راولپنڈی: وزیر دفاع چوہدری احمد مختار نے کہا ہے کہ حکومت مسلح افواج کی روایتی اور سٹرٹیجک صلاحیتوں کو تقویت دیتی رہے گی تاکہ ملک کو درپیش داخلی اور خارجی چیلنجوں پر موثر انداز میں قابو پایا جا سکے۔ انہوں نے یہ بات پاک فضائیہ کے سربراہ ائر چیف مارشل تنویر محمود احمد سے ملاقات کے دوران گفتگو کرتے ہوئے کہی۔ وزیر دفاع نے کہا کہ کم سے کم قابل بھروسہ ڈیٹرنس برقرار رکھنا موجودہ حکومت کی پالیسی ہے جو ملک کی سرحدوں کے دفاع کے لئے ناگزیر ہے۔