لاہور: مسلم لیگ ق کے صدر چوہدری شجاعت نے سی ای سی کے اجلاس میں شرکت کرنے والے چون ارکان کی فہرست سینئر رہنماؤں کو بھجوا دی۔ ذرائع کے مطابق چوہدری شجاعت حسین نے یہ فہرست سابق صدر فاروق لغاری کے ذریعے دیگر رہنماؤں کو بھجوائی ہے۔ فہرست میں ہفتہ کو ہونے والے اجلاس میں شرکت کرنے والے ارکان کی تعداد چون ہے جبکہ مسلم لیگ ق کے آئین کے مطابق سی ای سی کے ارکان کی تعداد تیس ہے۔

ذرائع کا کہنا ہے کہ چوہدری شجاعت کی طرف سے بھجوائی گئی فہرست میں ایسے نام بھی شامل ہیں جو ق لیگ چھوڑ چکے ہیں۔ فہرست میں قومی اسمبلی کے رکن رشید اکبر نوانی کا نام بھی ہے جو ن لیگ میں شامل ہو چکے ہیں۔ فہرست میں ایک اور نام عمران ندیم کا ہے جو ناردرن ایریا کونسل کے ممبر ہیں اور پیپلز پارٹی میں شمولیت اختیار کر چکے ہیں۔ ذرائع کے مطابق ق لیگ کی سی ای سی میں شرکت کے لئے بنائی گئی فہرست میں لالہ نثار، ارباب غلام رحیم، اکرم ذکی، سمیرا ملک اور دیگر کئی رہنماؤں کے نام شامل نہیں ہیں۔