پشاور: مردان میں بجلی کے بعد گیس کا بھی بحران پیدا ہو گیا۔ وقفے وقفے سے جاری لوڈ شیڈنگ نے نظام زندگی درہم برہم کر دیا۔ مردان میں صبح چھ بجے سے گیس کی لوڈ شیڈنگ کا سلسلہ جاری ہے۔ جس کے بعد گھروں میں مشکلات پیش آ رہی ہیں اور گیس پر چلنے والا کاروبار متاثر ہو رہا ہے شہر بھر کے سی این جی اسٹیشنز پر گاڑیوں کی لمبی قطاریں موجود ہیں اور صارفین کئی کئی گھنٹے انتظار کے باوجود سی این جی حاصل کئے بغیر واپس جا رہے ہیں۔

عوامی حلقوں اور تاجر برادری نے گیس کی لوڈ شیڈنگ ختم کرنے کا مطالبہ کیا ہے۔ ملک بھر میں بجلی کا بحران تو جاری ہے ہی اب مردان میں گیس کے بحران نے عوام کا جینا دوبھر کر دیا ہے۔