لاہور: پنجاب اسمبلی نے مجوزہ زرعی انکم ٹیکس کی مخالفت کرتے ہوئے فیصلہ واپس لینے کا مطالبہ کردیا۔اراکین پنجاب اسمبلی نے کہا کہ ڈیزل،کھاد ،زرعی ادویات اور بجلی کی قیمتوں میں اضافہ سے کشتکار پہلے ہی پریشان ہیں۔زرعی انکم ٹیکس کا نفاز ان کے معاشی قتل کے مترادف ہوگا۔ارکان اسمبلی کا کہنا تھا کہ آئندہ چند روز میں متفقہ قرارداد کے زریعے وفاقی حکومت سے سفارش کی جائے گی کہ وہ یہ منصوبہ ختم کرے۔

اراکین نے کارروئی کے دوران احتجاج کرتے ہوئے مطالبہ کیا کہ عالمی مالیاتی اداروں سے کئے گئے معاہدوں کی تفصیلات سے پنجاب اسمبلی کو آگاہ کیا جائے اور ایسی شرائط تسلیم نہ کی جائیں جو زراعت کی تباہی کا پاعث ہوں۔اسپیکر پنجاب اسمبلی رانا محمد اقبال نے صوبائی وزیر قانون رانا ثنااللّلہ کو ہدایت کی کہ وہ اس سلسلے میں اراکین قومی اسمبلی سے بات کریں ۔