مظفرآباد: پاکستان پیپلز پارٹی آزاد کشمیر نے وزیراعظم کے خلاف تحریک عدم اعتماد کی صورت میں مسلم کانفرنس کے فارورڈ بلاک کی حمایت نہ کرنے کا اعلان کر دیا۔ مظفرآباد میں پریس کلب کے پروگرام میٹ دی پریس میں اظہار خیال کرتے ہوئے پیپلز پارٹی آزاد کشمیر کے سینئر نائب صدر چوہدری یاسین نے کہا کہ وزیراعظم سردار عتیق کو قانون ساز اسمبلی میں سادہ اکثریت بھی حاصل نہیں رہی اس لئے وزیراعظم کو اخلاقی جرأت کا مظاہرہ کرتے ہوئے مستعفی ہو جانا چاہئے۔

چوہدری یاسین نے کہا کہ وفاقی حکومت آزاد کشمیر کے اندرونی معاملات میں مداخلت نہیں کرے گی۔ انہوں نے کہا کہ پیپلز پارٹی آزاد کشمیر متحد اور منظم ہے اور اس میں اختلافات کا پروپیگنڈہ کرنے والوں کو مایوسی ہو گی۔