اسلام آباد: حکومت پاکستان نے ترجمان دفتر خارجہ محمد صادق سمیت چھ سفیروں کی مختلف ممالک میں تعیناتی کی منظوری دیدی۔ مختلف ممالک میں چھ سفیروں کے تقرر کی باضابطہ منظوری وزیر اعظم یوسف رضا گیلانی نے دی۔ ترجمان دفتر خارجہ محمد صادق افغانستان میں پاکستان کے سفیر ہوں گے۔

ایڈیشنل سیکریٹری برائے جنوبی ایشیائی امور چوہدری اعزاز احمد کو ہیگ اور فارن منسٹر آفس کے ایڈیشنل سیکریٹری نورمحمد جادمان کو جاپان میں پاکستان کا سفیر مقرر کیا گیا ہے۔ کابل میں موجودہ سفیر طارق عزیز الدین کو ترکی جبکہ ریٹائرڈ ایمبیسڈر گل حنیف کو پرتگال میں پاکستان کا سفیر تعینات کیا گیا ہے دفتر خارجہ میں تعینات ایڈیشنل سیکریٹری برائے یورپ اکبر زیب کو کینیڈا میں پاکستان کا ہائی کمشنر تعینات کرنے کا فیصلہ کیا گیا ہے۔