سوات: بنوں میں پولیس چوکی پر عسکریت پسندوں کے حملے میں تین اہلکار جاں بحق ہوگئے۔ بنوں میں عسکریت پسندوں نے رات تین بجے پہلے تھانہ حوید پر حملہ کیا جسے پولیس کی بھاری نفری نے پسپا کردیا۔ اس کے بعد عسکریت پسندوں نے تھانہ منڈان کی حدود میں واقع پولیس چوکی کو نشانہ بنایا، فائرنگ سے تین پولیس اہلکار جاں بحق ہوگئے۔ ہلاک ہونے والوں میں کانسٹیبل بشیر اللہ کا نسٹیبل صبغت اللہ اور کانسٹیبل خالد نیاز شامل ہیں جبکہ ایک کانسٹیبل سعید اعظم زخمی ہوا۔

ڈسٹرکٹ پولیس آفیسر بنوں محمد عالم شنواری نے واقع کی تصدیق کی ہے۔ ان کا کہنا ہے کہ بنوں میں آئندہ ایسے واقعات سے بچنے کے لئے اقدامات کئے جارہے ہیں ۔یاد رہے کہ دو روز پہلے عسکریت پسندوں نے وزیر ستان میں کارروائیاں بند نہ ہونے کی صورت میں سرحد کے بندوبستی علاقوں کو نشانہ بنانے کی دھمکی دی تھی۔