اسلام آباد: صدر آصف علی زرداری نے بھارت کو خبردار کیا ہے کہ غیر ریاستی عناصر پاک بھارت جنگ کی سازش کررہے ہیں۔برطانوی روزنامے فنانشل ٹائمز سے انٹرویو میں صدر آصف علی زرداری نے ممبئی میں دہشت گردی کے واقعات کی مذمت کی۔انہوں نے کہا کہ انتہا پسند دنیا بھر میں ہونے والی دہشت گردی کی کارروائیاں خطے میں دہرانا چاہتے ہیں۔انہوں نے کہاکہ پاکستان اور بھارت کو دہشت گردی کے خلاف مشترکہ کارروائی کرنا ہوگی۔انہوں نے کہا کہ بھارت ممبئی میں دہشت گردی کے واقعات کی سزا پاکستان کو نہ دے۔

صدر آصف زرداری کا کہنا تھا کہ پاکستان اور بھارت ایٹمی طاقت کے حامل دوہمسایہ ممالک ہیں۔غیر ریاستی عناصر کی وجہ سے دونوں ممالک میں جنگ کا خطرہ موجود رہتا ہے۔اس سے پہلے بھی انہی عناصر کی وجہ سے دونوں ممالک جنگ کے قریب پہنچ چکے تھے۔