کراچی: وزیر داخلہ سندھ ذوالفقار مرزا اور دیگر کے خلاف درج دوہرے قتل کے مقدمہ کی تفتیش کے لئے تین رکنی ٹیم تشکیل دے دی گئی۔سندھ ترقی پسند پارٹی کے کارکنوں کی پولیس فائرنگ سے ہلاکت کا مقدمہ تھانہ سہراب گوٹھ میں درج ہے۔ جس میں وزیر داخلہ سندھ ڈاکٹر ذوالفقار مرزا ایس ایس پی گڈاپ ٹاوٴن راوٴ انوار اور دیگر پولیس افسران و اہلکارنامزد ہیں۔ انتظامیہ نے اس مقدمے کی تحقیقات کے لئے تین رکنی ٹیم تشکیل دی ہے جو ڈی آئی جی انوسٹی گیشن غلام قادر تھیبو کی سربراہی میں کام کرے گی جب کہ ایس پی انوسٹی گیشن ویسٹ آفتاب ہالی پوتہ اور ایس پی انوسٹی گیشن زون ون جمشید انعام اللہ اس کے رکن ہوگئے۔

یہ ٹیم اس مقدمہ میں وزیر داخلہ سندھ ذوالفقار مرزا اور پولیس افسران کے ملوث ہونے یا نہ ہونے کی تحقیق کرے گی۔