اسلام آباد: جے یو آئی نے صدر آصف علی زرداری سے سوات آپریشن بند کرنے کا مطالبہ کردیا۔ جے یو آئی (ف) کے وفد نے مولانا فضل الرحمان کی سربراہی میں صدر آصف علی زرداری سے ایوان صدر اسلام آباد میں ملاقات کی۔ ملاقات میں سینٹر مولانا گل نصیب خان، سینٹر ڈاکٹر خالد سومرو، سابق وزیر اعلی سرحد اکرم خان درانی، بلوچستان سے مولانا عبدالواسع خان، جے یو آئی پنجاب کے صوبائی امیر مولانا حمید اللہ اور دیگر شامل تھے۔

اس موقع پر گفتگو کرتے ہوئے صدر مملکت نے کہا کہ پیپلزپارٹی ملکی معاملات اتحادیوں کے ساتھ ملکر چلانے کے عزم پر قائم ہے۔ انھوں نے کہا کہ آئین کو غیر جمہوری شقوں سے پاک کیا جائے گا۔ صدر نے یقین دہانی کرائی کہ جے یو آئی کی شکایات کا ازالہ کیا جائے گا۔