کراچی: سعودی عرب منشیات اسمگلنگ کیس کے ملزمان ثروت حسین ، اسکی بیوی شافیعہ اور بیٹے فراز حسین کے خلاف عبوری چالان پیش کردیا گیا، عدالت نے جیل میں بی کلاس دینے کی درخواست مسترد کردی۔کراچی پولیس نے جوڈیشل مجسٹریٹ کی عدالت میں منشیات کیس کے ملزمان کیخلاف عبوری چالان پیش کیا۔ ملزمان کے خلاف دفعہ چار سو بیس اور ایک سو بیس بی کے تحت الزامات عائد کئے گئے ہیں۔انویسٹی گیشن آفیسر نے سماعت کے دوران عدالت کو بتایا کہ ملزمان کے خلاف بیس گواہ ہیں جن میں سے دو گواہوں کے ایک سو چوہتر کے بیان دیا ہے۔

اس سے پہلے جب ملزمان ثروت حسین ، شافیعہ اور فراز کو عدالت میں پیش کیے بغیر واپس لے جایا گیا تو متاثرین نے سٹی کورٹ میں انکے خلاف شدید نعرے بازی کی اور مطالبہ کیا کہ حکومت انہیں سعودی حکومت کے حوالے کرے۔ مقامی عدالت نے پولیس کو دس جولائی تک ملزمان کے خلاف حتمی چالان پیش کرنے کا حکم دیا ہے ملزم ثروت حسین کی جیل میں بی کلاس کی درخواست مسترد کردی گئی۔