حافظ آباد: ایجوکیشن ٹاسک فورس پنجاب کی چیئرپرسن سائرہ افضل تارڑ نے کہا ہے کہ اساتذہ اپنے فرائض منصبی ایمانداری سے سرانجام دے کر ملک و قوم کی تقدیر بدل سکتے ہیں۔وہ حافظ آباد میں محکمہ تعلیم میں بھرتی ہونے والے پانچ سو اسی ایجوکیٹرز میں تقرر نامے تقسیم کرنے کی تقریب سے خطاب کر رہی تھیں۔ انہوں نے کہا کہ اساتذہ کی شخصیت طلبا کے لئے رول ماڈل کی حیثیت رکھتی ہے اور اس لئے انھیں اپنے فرائض ذمہ داری سے ادا کرنا چاہیے۔

ان کا کہنا تھا کہ حکومت ملک میں تعلیمی انقلاب لانے کے لئے خطیر رقم خرچ رہی ہے اور اس میں اساتذہ کو بھی اپنا بھرپور کردار ادا کرنا چاہیے۔ تقریب سے ڈی سی او ابرار احمد اور اراکین اسمبلی نے بھی خطاب کیا۔