اسلام آباد: متحدہ عرب امارات نے دہشت گردی کے خلاف جنگ میں پاکستان کی مکمل حمایت اور متاثرین کی بحالی کے لیے تعاون کا اعلان کر دیا۔متحدہ عرب امارات کے وزیر خارجہ شیخ عبداللہ زید بن سلطان النہیان نے ایوان صدر میں صدر آصف علی زرداری سے ملاقات کی۔ ملاقات میں وزیر داخلہ رحمن ملک، مشیر پٹرولیم ڈاکٹر عاصم حسین، یو اے ای کے سفیر علی سیف سلطان اوانی بھی موجود تھے۔

صدر آصف زرداری نے کہا کہ پاکستان یو اے ای کے ساتھ تعلقات کو بہت اہمیت دیتا ہے،صدر نے دونوں ممالک کے درمیان معاشی و تجارتی تعاون کو مزید فروغ دینے کی ضرورت پر زور دیا۔ یو اے ای کے وزیر خارجہ نے متاثرین مالاکنڈ کی بحالی کے لیے مکمل تعاون کا یقین دلایا۔ انہوں نے کہا کہ ان کا ملک دہشت گردی کے خلاف جنگ میں پاکستان کی مکمل امداد کرے گا۔