اسلام آباد: وزیراعظم سید یوسف رضا گیلانی اور آرمی چیف اشفاق پرویز کیانی کی صدر آصف علی زرداری سے ملاقات، دہشت گردی کے مکمل خاتمے کیلئے تمام اقدامات جاری رکھنے کا فیصلہ کیا گیا۔ایوان صدر میں ہونے والی ملاقات میں دہشت گردی کے خلاف جاری جنگ اور متاثرین مالاکنڈ کی بحالی کیلئے حکومت کی حکمت عملی کا جائزہ لیا گیا۔صدارتی ترجمان فرحت اللہ بابر کے مطابق تینوں رہنماوٴں نے ملک کی سلامتی کے حوالے سے بات چیت کی اور ملک کے دفاع کو ناقابل تسخیر بنانے کے عزم کا اعادہ کیا۔ تینوں رہنماوٴں کا کہنا تھا کہ دہشت گردی کے ناسور کے خاتمے کیلئے تمام اقدامات جاری رکھے جائیں گے۔