پشاور: اورکزئی ایجنسی میں سیکورٹی فورسز کی شیلنگ سے دس شدت پسند ہلاک ہو گئے ہیں۔سیکورٹی فورسز کی کارورائی میں شرپسندوں کا اہم مرکز بھی تباہ ہو گیا ہے۔ادھر مومند ایجنسی میں مقامی لشکر اورشدت پسندوں کے درمیان جھڑپ میں لشکر کے بارہ رضا کار جاں بحق اور سات شرپسند ہلاک ہو گئے۔ تحصیل انبار کے علاقے امبوخہ میں مقامی لشکر اور شدت پسندوں کے درمیان جھڑپ ہوئی۔ جھڑپ میں پانچ شرپسند زخمی بھی ہوئے ہیں جبکہ لشکر کے سولہ رضا کار لاپتہ ہو گئے۔ جھڑپوں میں مزید جانی نقصان کا خدشہ ہے۔

دوسری جانب خیبرایجنسی میں متحارب گروہوں کے درمیان ایک سال بعد دوبارہ لڑائی شروع ہو گئی ہے۔ وادی تیراہ میں دو مقامی گروہوں کے درمیان فائرنگ کا سلسلہ جاری ہے۔ دونوں جانب سے بھاری ہتھیاروں کا استعمال کیا جا رہا ہے۔ جھڑپوں میں ہلاکتوں کا خدشہ ہے۔