راولپنڈی: راولپنڈی کے علاقے چوہڑ چوک میں حساس ادارے کی بس پر خودکش دھماکے کے شبے میں چنیوٹ سمیت دیگر علاقوں سے چھ ملزمان کو گرفتار کرلیا گیا ہے ذرائع کے مطابق گرفتار افراد کو تفتیش کیلئے راولپنڈی منتقل کر دیا گیا ہے گرفتار ہونے والوں میں ایک وہ شخص بھی شامل ہے جو کہ دھماکے سے کچھ دیر قبل خودکش حملہ آور کے ہمراہ موجود تھا ایف آئی آر کے مطابق حملہ آور اپنے دو ساتھیوں کے ہمراہ کارروائی کے لیئے آیا تھا جو کہ دھماکے سے کچھ دیر قبل وہاں سے فرار ہو گئے تھے۔

زرائع کے مطابق حملے میں استعمال ہونے والے موٹر سائیکل کے چیسز نمبر کے ایک حصے سے تفتیش میں اہم پیش رفت ہوئی ہے۔ موٹر سائیکل میں تین مختلف کمپنیوں کے سپیئر پارٹس استعمال کیے گئے تھے۔