لاہور: مسلم لیگ ق سندھ کے سینیئر نائب صدر مقبول شیخ اور سابق وفاقی وزیر اعجازالحق نے چودھری شجاعت حسین اور پرویز الہی سے ملاقات کی اور پارٹی قیادت پر اعتماد کا اظہار کیا۔لاہور میں چودھری شجاعت حسین کی رہائش گاہ پر ہونے والی اس ملاقات میں دونوں لیگی رہنماوٴں کا کہنا تھا کہ پارٹی کو تقسیم کرنے کی کسی سازش کو کامیاب نہیں ہونے دیا جائے گا۔

انہوں نے کہا کہ رہنماوٴں کو باہمی اختلافات پارٹی اجلاسوں میں حل کرنے چاہئیں۔ چودھری شجاعت حسین اور پرویز الہی کا کہنا تھا کہ پارٹی اپنی شناخت برقرار رکھے گی اور عوامی رابطہ مہم کو تیز کیا جائے گا۔ انہوں نے کہا کہ پارٹی منشور کے مطابق ہر رکن پارٹی الیکشن میں حصہ لے سکتا ہے۔