گوجرانوالہ: جماعت اسلامی سرحد کے امیر سراج الحق نے کہا ہے کہ حکومت سوات میں شروع کیا جانے والا آپریشن وزیرستان کے راستے جنوبی پنجاب تک لے جانا چاہتی ہے۔گوجرانوالہ میں ایک پریس کانفرنس سے خطاب کرتے ہوئے انہوں نے کہا کہ آپریشن امریکی مفاد کے لئے کیا جا رہا ہے، حکمرانوں کی غلط پالیسیوں کا خمیازہ ملک اور قوم کو بھگتنا پڑ رہا ہے۔ ان کا کہنا تھا کہ ملک کو درپیش مسائل کی جڑ حکمرانوں کی امریکہ نوازی ہے۔ بحرانوں سے نمٹنے کے لئے سیاسی جماعتوں کا متحد ہونا اشد ضروری ہے۔