لاہور: لاہور میں قانون نافذ کرنے والے ادارے نے خودکش حملوں کے لئے ہدف کی تلاش کرنے والے دو مبینہ دہشت گردوں کو حراست میں لے لیا ہے۔ذرائع کے مطابق حراست میں لئے جانے والے مبینہ دہشت گردوں میں ابوبکر اور حمزہ شامل ہیں، ان میں ایک رحیم یارخان اور دوسرا منڈی یزمان کا رہائشی ہے۔ ملزمان ہدف تلاش کرنے کے ساتھ خودکش دھماکے کے لئے پلاننگ بھی کرتے تھے۔

لاہور میں ہونے والے خودکش دھماکوں کے اہداف بھی انہوں نے ہی مقرر کئے تھے۔ ذرائع کا کہنا ہے کہ دونوں کا تعلق ایک کالعدم تنظیم سے ہے اور دونوں کا جنوبی وزیرستان آنا جانا تھا۔ ذرائع نے یہ بھی دعوی کیا کہ ملزمان بیت اللہ محسود کے قریبی ساتھیوں میں سے ہیں۔