کراچی: صوبائی سرویلنس سیل نے کراچی میں مزید سات مریضوں میں سوائن فلو کی تصدیق کردی۔مزید سات مریضوں میں سوائن فلو کی تشخیص کے بعد شہرمیں سوائن فلو کے مریضوں کی تعداد باہتر ہوگئی ہے۔ سات نئے مریضوں میں چار مرد اور تین خواتین شامل ہیں۔ صوبائی سرویلنس سیل کے مطابق کراچی میں سوائن فلو سے اب تک چھ اموات ہوچکی ہیں جبکہ وفاقی ہیلتھ سیکریٹری خوشنود لاشاری کے مطابق ملک میں اب تک بارہ افراد سوائن فلو سے ہلاک ہوئے جن میں چھ خواتین اور چھ مرد شامل ہیں۔