لاہور: پاکستانی فاسٹ باؤلر محمد آصف کو دبئی سے ڈی پورٹ ہونے کے بعد دوبارہ متحدہ عرب امارات میں داخلے کیلئے خصوصی اجازت درکار ہو گی۔ ذرائع کے مطابق محمد آصف کے پاس سے اعشاریہ دو چار گرام افوین برآمد ہوئی تھی جس پر پبلک پراسیکیوٹر محمد النعیمی نے ان پر اسمگلنگ اور پروسیسنگ کے چارجز لگائے تھے تاہم پاکستان حکومت کی مداخلت کے بعد فاسٹ باؤلر پر کیس ٹرائل کرنے کی بجائے انہں دبئی سے ڈی پورٹ کر دیا گیا۔ ذرائع کا کہنا ہے کہ مقامی قانون کے مطابق ڈی پورٹ ہونے کی صورت میں کوئی بھی شخص تمام عمر کیلئے متحدہ عرب امارات میں دوبارہ داخل نہیں ہو سکتا لیکن فاسٹ باؤلر محمد آصف مستقبل میں حکومت سے خصوصی اجازت لے کر ہی یو اے ای کی سرزمین پر قدم رکھ سکیں گے۔